كيفية العناية بالشفايف خاصة الشفايف الجافه والباهته

موضعنا انهارده مهم جدا وبالذات للبنات وهو شئ مهم جدا جدا بنقابله فى حياتنا اليوميه وهو مشكلة الشفايف الجافة او الباهته اية الحل والعلاج؟

لازم كلنا الاول نعرف ان الشفايف هى عبارة طبقة رقيقة من الخلايا سريعة التجدد عشان كده لما بنهتم بيها بيكون لونها وردي أو محمر واى اهمال فيها بيعرضها لمشاكل كتير

ودلوقتى نقول شوية مشاكل ممكن تقابلنا

اولا مشاكل الشفايف أسبابها و علاجها

الشفايف الباهتة – الشفايف الجافة و المتشققة – الشفايف الداكنة

بصوا ياقمراتي يافتوكاتي هاتكلم عن الشفايف الباهتة و الجافة الأتنين مع بعض لان الأسباب و طرق العلاج متشابهة جدا
أما الشفايف الداكنة يكون جزء لوحده منفصل و مفصل

 الشفايف الباهتة و الجافة
 أسبابها
 سوء التغذية بشكل عام ( زي نقص الحديد ).

 استخدام الlipsticks الرخيصة و الموجودة خصوصا في محلات (أي حاجة ب 2.5 )

 العادة الجميلة اللي بجد بتجنني و هي مص الشفايف أو عضهما وإزالة الجلد المشقق بالأسنان.

 الأهمال سواء عدم استخدام المرطبات أو عمل scrub

 وصول معجون الأسنان للشفايف أو فرشاة الأسنان (خصوصا لو كانت خشنة بيكون الضرر أكبر )

 تغير الجو و طبعا في الشتا بيكون الجفاف اكتر

 عدم شرب الماء و ده بيعتبر السبب الرئيسي لجفاف الشفايف

 العلاج

 التغذية السليمة زي تناول الاطعمة الغنية بفيتامين A والكالسيوم والماغنسيوم و الاطعمة الغنية بفيتامين B كالأرز البني والسبانخ واللبن والمكسرات والبيض والبروكلي والأسماك.

 شرب الماء علي الأقل 8 – 12 أكواب يوميا

لان الماء هو سر بقاء عمل الخلايا فى الجسم وفقدان خلايا الجلد للماء يؤدى الى الجفاف

 عمل scrub (تقشير) علي الأقل مرتين في الأسبوع عشان نشيل خلايا الجلد الميت و نجدد الخلايا و تنشيط الدورة الدموية

 عند تفريش الأسنان خلي بالك ان المعجون ما يوصلش نهائي للشفايف

 استخدام مرطب للشفاه lip balm أو زبدة الكاكاو و بشكل يومي و أكتر من مرة كمان في اليوم

اختاري lipstick نوعه نطيف و بلاش يكون من النوع المطفي matt لان الأنواع المطفية أو غير اللامعة Matt لا تحتوي علي مواد مرطبة للشفتين وكثرة استخدامها يصيب الشفاه بالجفاف علي العكس من الأنواع اللامعة التي تكون غنية بالمواد الدهنية التي تعمل علي ترطيب الشفاه.

طيب ازاي نختار lip balm مرطب شفاه نوعه كويس ؟؟؟

√ بصي كويس علي مكوناته لازم يكون فيه عناصر مغذية وترطيب قوي وفيتامين Aو Eوالأفوكادو وزيت الجوجوبا وزبدة الشيا والكاموميل وخلاصة الشاي الاخضر

√ انه يكون فيه عامل حماية من الشمس SPF و علي فكرة ده بيكون بدرجات حماية مختلفة و يفضل ان تكون بين 15-20 بمعامل درجة الحماية

لو الشفايف شديدة الجفاف ؟!

ندهنها بطبقة رقيقة من الفازلين

لان الفازلين يعتبر قاعدة دهنية بتعمل علي صنع طبقة خارجية على الشفاة زي طبقة عازلة تمنع تبخر الماء من داخل خلايا الجلد وبالتالى تمنع جفاف الشفاة .

يارب يكون الموضوع مفيد وعجبكم مقدمة لكم من مدونة نص الدنيا

يشرفنا تواجدكم الجميل معنا على الفيس بوك

لمتابعة المواضيع النادرة والمتميزة والغريبة على الفيس بوك اضغط هنا

Posted in: بنات