السبت، 5 ديسمبر، 2015

بناء فندق تحت الارض فى الصين




اخر افتكاسات الصين والجملة المشهورة صنع فى الصين " made in china " هذه العبارة فى اذهان الجميع ويروها فى كل مكان حيث ان الصين تغزو العالم بجميع منتجاتها وافكارها العملاقة وموضوعنا اليوم يسلط الضوء على شئ غريب جدا يحدث هذه الايام فى الصين وهو عبارة عن مشروع غريب يضمن هذا المشروع انشاء فندق ضخم جدا وهائل تحت سطح الارض بمميزات فريدة وتصميم فريد قام المهندسين القائمين على التخطيط وانشاء هذا الفندق بوضعه وتنفيذة 





يتكون هذا الفندق من 19 دور يحتوى من خلالهم على 380 غرفة ويذكر ان ال 19 دور لهذا الفندق منهم 16 دور او طابق تحت الارض وهذا الفندق يتم تشييدة بمنطقة شنفهاى الصينية فى المناطق الجبليه هناك وهناك شركة سياحة صينية هى المسئولة عن ذلك المشروع ويتوقع نهاية بناء هذا المشروع فى اواخر عام 2014 وها هى بعض صور للمشروع اثناء البناء والصور المتوقعه













الثلاثاء، 25 مارس، 2014

طريقه كفته السمك



طريقه كفته السمك 

المقااادير

2 حبه بطاطس

شريحتين سمك فيليه

فصين توم

بقدونس

شريحتان لمون

بقسماط

زيت

بيضتين

الطريقه

اول حاجه هنسلق السمك ازاااااااااى 

هنحط كميه من الميه ف حله ونحط فيها عود بقدونس وشريحتين اللمون ونضيف عليهم ملح وفلفل ونحط السمك ف الميه

لحد مايستوى

وبعد كده هنفرم البطاطس ف الماكينه

وهنجيب كميه من البقدونس ونقطعها شرايح صغيره ونحطها ع البطاطس وعليهم بودره بقسماط ونلخلطهم مع بعض

وبعد كده هنجيب فصين التوم ونفرهم على البطاطس ونحط البطاطس ع السمك ونخلطهم مع بعض

وف الاخر هنجيب الخليط ده ونشكله ع شكل اصابع كفته ونقليهم ف الزيت بعد مانحطها الاول ف البقسماط والبيض

وقبل التقديم ممكن نزينها بالبقدونس 



طريقه شيش السمك زى المطاعم بالظبط



طريقه شيش السمك زى المطاعم بالظبط وسهله جدا وطعمه جميل جدااااااا

المقااااادير

كيس سمك فيليه

فصين توم

فلفل ملون متقطع

3 بصلات متقطعين

3 حبات طماطم

كمون وشطه ولمون

زيت

قطع فحم 

كرفس 

اسياخ خشب

الطريقه

اول حاجه نحضر السمك ونتبله بالملح الفلفل والكمون الشطه واللمون ونحطه ف التلاجه 

نجهز الخضار البصل والفلفل والطماطم ونقطعهم

وبعدين نجيب اسياخ الخشب ونحط فيها قطعه سمك وبعدين قطعه بصل وقطعه فلفل وقطعه طماطم وهكذا لحد مانخلص السيخ

ونعمل كل الاسياخ اللى عندنا بالمنظر ده 



وبعدين هنجيب صنيه ونفرشها بالكرفس ونرص الاسياخ ونرش فوقهم زيت

واخيررررررررا 

نحطها ف الفرن وبعدما تستوى نحط  نص الصنيه قطه فحم وبس كده وهتطلعلنا بالمنظر ده ف الاخر



وبالهنا والشفا





الاثنين، 24 مارس، 2014

ايس كريم التوت رووووعه واسهل مما تتخيل



ايس كريم التوت رووووعه واسهل مما تتخيل وف نص ساعه


المقادير

كوبايتين لبن

سكر 

8 حبات توت 

كيس بودره كريمه

فانيليا

الطريقه

هنخلط كل المقادير دى مع بعض ونحطها ف التلاجه نص ساعه وبس كده

سهله خااالص وبسيطه وان شاء الله تعجبكم


طريقه صنيه الفراخ بالخضار والباشمل


طريقه صنيه الفراخ بالخضار والباشمل وجميله جداااااا

المقادير

3 حبات جزر

3 كوسه

2 حبات بطاطس

بصله

كزبره 

كمون وملح وفلفل اسود

فراخ مسلوقه وخاليه من العضم ومتقطعه قطع صغيره

معلقتين زيت

مقادير الباشمل

3 معالق دقيق

3 معالق لبن بودره

كوبايه ميه

الطريقه

اول حاجه هنبشر البطاطس مع الجزر مع الكوسه

ونقطع البصل شرايح صغيره ونفرم الكزبره

وبعد كده هنحط البصل والكزبره والفراخ ف الزيت لحد مايتغير لونها شويه ونحط بقيت المقادير والبهارات

وف الاخر هنحط خلطه الفراخ مع الخضار ف الصنيه ونصب عليهم الباشمل 

ونحطها ف الفرن حوالى تلت ساعه وبعد كده تطلعيها 

وبالهنا والشفا



طريقه جديده للبطاطس المحشيه جامده جداااااااااا



طريقه جديده للبطاطس المحشيه جامده جداااااااااا 

ومقاديرها سهله خااالص

حبات بطاطس متوسطه الحجم

سمنه 

صلصه باشميل

لحم مفروم مع بصل وبهارات

جبن مبشور

بيض 

ملح وفلفل


الطريقه

هنقطع البطاطس نصين بالطول ونحطها ف الميه والملح ع النار لمده 10 دقايق

وبعدين هنصفيها كويس من الميه ونقور قلب البطاطس

وبعد كده هنخلط قلب البطاطس اللى طلعناه بصلصه البشامل والبيض واللحم المفروم وشويه من الجبن المبشور ونتبلهم بملح وفلفل

وهنجيب البطاطس المقوره ونحشيها بالخليط ده وهنرش ع الوش جبن مبشور وقطع سمنه 

واخيرررررررررررررررا 

هندهن الصنيه بتاعتنا ونرص البطاطس فيها ونحطها ف الفرن 

جربوها وادعووووووووولى








طريقه بطاطس محمره لاصحاب الرجيم


طريقه البطاطس المحمره لاصحاب الرجيم وبسيطه خااااالص

اول حاجه هنقطع البطاطس كبيره شويه ونسلقها ف ميه وملح من 4 ل 5 دقايق

ونحط البطاطس ف الصينيه ونحط عليها شويه زيت زتون بس مش كتير يعنى حوالى معلقه كبيره

ونقلبهم مع بعض


وبعدين نحطها ف الفرن تحت لغايه ما تتحمر وبس كده