طريقه بطاطس محمره لاصحاب الرجيم

طريقه البطاطس المحمره لاصحاب الرجيم وبسيطه خااااالص

اول حاجه هنقطع البطاطس كبيره شويه ونسلقها ف ميه وملح من 4 ل 5 دقايق

ونحط البطاطس ف الصينيه ونحط عليها شويه زيت زتون بس مش كتير يعنى حوالى معلقه كبيره

ونقلبهم مع بعض

وبعدين نحطها ف الفرن تحت لغايه ما تتحمر وبس كده

اقرء المزيد

بالخلطه السحريه هتخسى عشره كيلو ف الشهر

بالخلطه السحريه هتخسى عشره كيلو ف الشهر ازااااااااى 

قدمت استاذه التغديه مها الجمل شويه نصايح هتخليك تخس 10 كيلو ف الشهر بس بشرررط 

نبعد ع المشروبات الغازيه والوجبات السريعه ف الفتره دى

اول حاااجه هنبدأ بيها الخلطه هى كوبايه زنجبيل قبل الاكل بربع ساعه ومكوناته:

كوب ماء مغلى ،معلقه زنجبيل ، معلقه شاى اخضر ، اوراق نعناع 

وبعدين نحط المكونات دى ف ميه مغليه لمده خمس دقايق وبعد كده نشرب الزنجبييل 

وينصح بتناول فواكه وخضروات طازجه بين الثلاث وجبات الرئيسيه بشرط تكون الوجبه الاخيره قبل النوم بساعتين  

وكماااااااان أكدت الدكتوره ع ضروره المشى لمده ساااعه كل يوم وتناول 12 كوب من الماء 

اقرء المزيد

الريجيم المثالى للدكتور اسامة حجازى

هنلخص ليكم حلقات الريجيم المثالى للدكتور اسامة حجازى جزاه الله خيرا والتلخيص ده حصرى لينا بكل نقاطة لمدونة نص الدنيا ونبدأ

الرجيمالمثالي له تلات قواعد و ست نصائح مهمة جدا نفذتيهم يبقي ان شاء الله حتخسي و تفرحي و تستعيدي رشاقتك تاني

الثلاث قواعد:
1- لازم الرجيم يحتوي علي كل العناصر الغذائية بمعني 50% برتينات و 35 % نشويات و 15% دهون
ليه بقة؟ علشان الجسم بيحتاج العناصر مثلا نسبة الدهون دي علشان يمتص مجموعة من الفيتامينات المهمة جدا للجسم و هي فيتامين الف و دال و كاف و هاء فاذا عملت نفسك فالحة و منعت نسبة الدهون دي فان جسمك مش حيمتص الفيتامينات دي فيضعف و تبدأي تعيي و تتعبي و نفس الشئ بالنسبة للنشويات فلازم الالتزام بالمكتوب في الوجبة تمام.

2- التخفيف من الابيضين الاول السكر لانه طبعا سعرات حرارة التاني هو الملح لانه بيخزن الماء في الجسم فيزيد الوزن بدون داعي
3- شرب الماء ثم شرب الماء ثم شرب الماء حيث تشربين 2كوب ماء كبير قبل الاكل دائما ده غير الماء في الاوقات العادية بحيث اجمالي الماء المشروب في اليوم يكون من 2 الي 3 لتر ماء علي الاقل لان الماء يزيد من التمثيل الغذائي للجسم او بالبلدي يزيد نسبة حرق السعرات في الجسم.

الست نصائح:
1-الابتعاد عن كلمة التخسيس السريع لجسمك كوني رحيمة بنفسك علشان متزهقيش و تكتئبي من الحرمان و تسيبي الرجيم و ترجعي اكتر مما كنتي لانك لو فقدت 2 كيلو في الاسبوع و مرجعتهمش تاني احسن من لما تخسي 5 كيلو في الاسبوع و ترجعيهم بعد كده 10 كيلو.
2-متجربيش اي رجيم غير مدروس زي الرجيم الكيميائي و رجيم عديم الدهون و رجيم عديم النشويات لان الانواع دي من الرجيمات بتستخدم مع ناس ليها ظروف جسدية معينة مش موجودة فيكي اما رجيمنا ده مثالي واخد الامور باعتداااال شديد.3-لا تقلللي من شان الخلية الدهنية الموجودة في جسمك و تكرهيها لانها مهمة زيها زي الخلايا العصبية تمام كل اللي بنعملة اننا بنشيل الزيادة منها بس و نخاللي النسبة المفيدة علشان يكون عندك طاقة تقدري تحرقيها في حركتك اليومية و متحسيش بالخمدان او الخمول بل تكوني رشيقة و حيوية.4-يوم الراحة من الرجيم مهم جدا متقوليش انا مش حاخد راحة لان الجسم بطبيعتة ذكي و لما يعرف انه ماشي علي نظام غذائي قليل يعمل خط دفاعي لنفسه و يبدا يخزن كل الطعام اللي داخله علشان يعوض النقص فتزيدي بدل ما تخسي لكن يوم لراحة حيلخبطه و يخليه مرتبك و يبدأ يحرق اكتر علشان يهضم الطعام الجديد اللي داخله و بعدين لما نرجع لنظامنا يتلخبط تاني و يبدا يحرق بمعدلات مختلفة و هكذا دوالييك
5-مهم جدا جدا تثبيت الميزان لا ميزان عن ميزان يفرق وثبتي كمان الوقت اللي بتوزني فيه نفسك مش كل شوية توزني نفسك و تقوللي ايه ده انا مخستش؟ و يحصلك احباط و اكتئاب و ان الرجيم مش نافع ؟ لألألألألألألألألألألألأ
لازم تدي الجسم فرصة انه ينزل في الوزن في الوقت المحدد له
مثلا حددي كل يوم سبت الصبح قبل الافطار انك تقيسي نفسك و تأيدي الوزن في جدولك و تشيلي الميزان من قدام عنيكي خالص لباقي الاسبوع لحد السبت القادم و قيسي و افرحي بالنتيجة.
6- ممارسة اي نوع من الرياضة و يفضل المشي علي الاقل نصف ساعة يوميا لان الحركة بتنشط الدورة الدموية فبتزيد من حرق الدهون في الجسم و التمثيل الغذائي في الجسم او لو عندك جهز رياضي.
وانا ححطلك في اخر الموضوع اللينك ده فتوكة جميلة جابته فيه ازاي تعملي رياضة مشي في البيت من غير ما تنزلي الشارع
ملحوظة حلوة اوي
كل كيلو بتشليه من وزنك = 4 كيلو اتشالوا من الحمل علي العمود الفقري و المفاصل
فلو خسيتي 5 كيلو مثلا = 20 كيلو اتشالوا من علي عمودك الفقري و مفاصل
و اساليني انا عن تعب المفاصل و الظهر مع زيادة الوزن انا مجربها و ربنا يبعد عنكم شرها


المشروب السحري الحارق:
الوصفة دي مكونة من اعشاب مشهورة جدا كل اللي بتعملة انها بتزود نسبة الحرق للمواد الغذائية سواء اللي داخلة او موجودة فعلا في الجسم بنسبة كبيرة جدا فتخسي بيها مع الرجيم كويس جدا جدا ده غير انا بتسد النفس جدا جدا.
الوصفة تشرب قبل الوجبات الثلاثة ب نصف ساعة و حتي قبل الاكل علي طول لو نسيتي مش مشكلة و هي للامانة طعمها وحش بس اعملي زيي انا بسد مناخيري و اشرب الكباية علي بؤ واحد فمبحسش بيها خالص غير بحبه حرقان من طعم الزنجبيل بيروح في ساعتها فأوعي تكسللي و متخدهاش لانها لوحدها ممكن تخسسك 7 كيلو في مقاس لبسك بدون رجيم.

حتجيبي:
ملعقة قرفة + 2 ملعقة زنجبيل + 2 ملعقة شاي الصين الاخضر + 2 ملعقة نعناع + 2 ملعقة كمون

و تضعي المكونات دي في 3مجات مياه كبيرة و تغليهم علي النار يادوب دقيقتين و تطفي و تغطيها علشان الزيوت الطيارة متروحش منها و بعد ساعة صفيها في برطمان زجاجي و بكده يكون عندك 3 كوبيات بتوع النهاردة جاهزين للشرب قبل كل واجبة.]

الرجيم بقة زي ما حتعمليه بالضبط


ليكي 2 ملعقة سكر في اليوم وزعيهم زي ما انت عايزة علي اليوم

الافطار :
1-شرب المشروب السحري الحارق قبل الافطار ب نصف ساعة
2-شرب 1 او 2 كوب ماء كبير قبل الاكل مباشرة (و ليس بعده او اثناءه ابدا)
3-اختاري حاجة واحدة من(1 بيضة مسلوقة او 3 ملاعق فول بدون زيت او قطعة جبنة قريش او قطعة جبنه نستو او قطعة طعمية واحدة)
4-نصف رغيف عيش بلدي (ثابت معايا في الفطار)5-كوب شاي او قهوة بدون سكر.

(لازم تختاري حاجة من كل خطوة من الخمسة يعني مثلا فطارك النهردة حيكون:
شرب المشروب الحارق+الماء+بيضة مسلوقة+نصف رغيف العيش+كوب شاي بدون سكر)

الغداء:
1-شرب المشروب السحري الحارق قبل الغداء ب نصف ساعة.
2-شرب 1 او 2 كوب ماء كبير قبل الاكل مباشرة (و ليس بعده او اثناءه ابدا)
3-اختاري واحد مما يلي:
2 قطعة لحم مشوية او مسلوقة او ربع فرخة مشوية او مسلوقة او 2 سمكة مشوية او علبة تونة مصفاة من الزيت تماما او التونة اللي في محلول ملحي مصفاة بردو او 2 بيضة مسلوقة)
4-اختاري واحد مما يلي:
نصف رغيف عيش بلدي او 5 ملاعق ارز مسلوق او 5 ملاعق مكرونة مسلوقة مغسولة كويس
5-طبق سلطة كبييير علشان تشبعي و اختاري من الاتي زي ما انت عايزة مش شرط كل المكونات دي(طماطم- بقدونس- شبت - كرفس -فلفل رومي- بنجر - جزر – خيار- خس).
6-طبق خضار (مش لازم ني في ني علشان متزهقيش ممكن خضار عادي من المطبوخ في البيت) لكن ابعدي عن الخضار اللي فية بطاطس او فاصوليا بيضاء لانهم مشبعين نشويات.
7-ثمرة فاكهة يفضل ان تؤكل بعد ساعتين من الغداء و الفاكهة المسموح بها هي:
برتقال – تفاح - يوسفي – بطيخ - جوافة – خوخ – 5 فرولات – 3 مشمش

(لازم تختاري حاجة من كل خطوة من السبعة يعني مثلا غداك النهاردة حيكون:
شرب المشروب الحارق+الماء+ربع فرخة مشوية+5 ملاعق ارز مسلوق+طبق السلطة الكبير+ طبق خضار صغير كوسة+ 1 يوسفي ) بس انت تقدري تاكل دول و ابقي قابليني لو جعت تاني

العشاء:
هام جدا جدا انه يكون قبل النوم بساعتين علي الاقل علشان يلحق يتهضم مايتخزنش في الجسم

1-شرب المشروب السحري الحارق قبل العشاء ب نصف ساعة.
2-شرب 1 او 2 كوب ماء كبير قبل الاكل مباشرة (و ليس بعده او اثناءه ابدا)
3-اختاري واحد مما يلي:
* كوب شاي بلبن + 2 بقسماط (بدون سمسم يكون افضل علشان الدهون اللي في السمسم)
* كوب زبادي + (خيار + طماطم او بدلا منهم ربع رغيف عيش)
* قطعة جبن قريش + (خيار + خس او بدلا منهم ربع رغيف عيش)
*طبق جيلي بدون سكر+ ثمرة فاكهة من المسموحة

(لازم تختاري حاجة من كل خطوة من الثلاثة يعني مثلا عشاك النهاردة حيكون:
شرب المشروب الحارق+الماء+ قطعة جبن قريش + خيار + خس)

لممنوعات اثناء الرجيم:
اللب – السوداني – الترمس – البلح – التين – العنب – المانجو – اي نوع حلويات – اي نوع مياه غزية سواء دايت او عادية

المسموحات اثناء الرجيم:
2 ملعقة سكر موزعة علي اليوم كله (لو مستغنية عانهم يكون افضل)
في حالة الجوع ممن تاكلي:
خيار او خس او طماطم او جزر
او ثمرة فاكهة (برتقال – تفاح - يوسفي – بطيخ – جوافة – خوخ – 5 فرولات – 3 مشمش

لكن خاللي بالك متكليش منهم بين الوجبات بكثرة لاننا عايزين المعدة تاخد علي الحجم الصغير للاكل فيقل حجمها و تبدأي تشعري بالجوع متأخر و بالشبع بسرعة و هو ده هدف الرجيم و هو ده اللي حيساعدك علي تثبيت وزنك بعد كده

يشرفنا تواجدكم الجميل معنا على الفيس بوك

لمتابعة المواضيع النادرة والمتميزة والغريبة على الفيس بوك اضغط هنا

اقرء المزيد

اسرع واسهل طريقة للتخلص من الكرش

مشكلة العصر الحالى هى الكرش للشباب والبنات وبيبقى بايخ اوى وانهارده ان شاء الله معانا اسرع واسهل طريقة للتخلص للكرش وهى خطوات بسيطة جدا والنتيجة والسرعه بتبقى على حسب نوع تخن الكرش بس فى الاخر النتيجة مضمونه ان شاء الله هيتم التخلص منه يعنى هيتم 

اولا الكرش هو ارتخاء عضلات البطن وده بيكون لاسباب كتير جدا منها العادات الغذائية الخاطئة جدا وما اكثرها فى عالمنا العربى زى الاكل الملئ بالنشويات والدهون والاكل والنوم مباشرة الجلوس بطريقة خاطئة وازاى نتغلب عليه بطريقة بسيطة جدا جدا وهى :-

اولا : الكرش هو عبارة عن تكدس الدهون فى منطقة البطن نتيجة الافراط فى الاكل فلازم الاكل يتقلل شوية ويكون معتدل ويكون صحى خالى من المقليات والدهون وكل الحاجات دى لازم يبقى عندى نظام وكنترول على نفسى باكل عشان اعيش مش بعيش عشان اكل !!!

ثانيا : الاكل والنوم مباشرة ده خطأ جدا اقل حاجة ساعتين ما بين الاكل والنوم ولازم تكون وجبة العشاء خفيفة عشان يتم هضمها قبل النوم عشان ميحصلش تكدس للدهون فى المنطقة دى

ثالثا : شفط عضلات البطن باستمرار ده بيساعد على شد العضلات ومتبقاش مدلدله لازم ديما تشفط بطنك باستمرار واعتبره تمرين بتعمله فى اى وقت وانت بتذاكر وانت فى شغلك وانت نايم 

رابعا : اتباع رييم او حمية غذائية مع الجرى يوميا او المشى وممارسة مارين شد البطن واشهرهم ان الانسان ينام على دهره ويفدر جسمه على الارض ويطلع بدهره ويلمس بأيده رجله وهكذا لازم التمرين ده يوميا صباحا ومساءا وياريت لو تكون الرياضة هى رياضة نط الحبل مفيدة جدا

خامسا : تقليل السكر والملح لان السكر بيساعد على السمنة والملح بيخزن المية فى الجسم وبالتالى بتنفخ شكل العضلات بالذات فى المنطقة دى

سادسا : شرب يوميا صباحا مشروب مكون من القرفه او الجنزبيل والكمون بتغلى ميه وتحطة معلقه من كل ده على الميه لمدة دقيقة وتسيبها لما تبرد وتشربها المشروب ده ان شاء الله اسمة المشروب السحرى ومداومته هتجيب نتيجة هايله

سابعا : واهم حاجة العزيمة والصبر هتوصل للى انت عايزة

واختم مقالى المتواضع بكلام الحبيب وشفا القلوب محمد بن عبد الله صلى الله عليه وسلم حيث يقول : (ما ملأ ابن آدم وعاء شراً من بطنه، بحسب ابن آدم لقيمات يقمن صلبه، فإن كان لابد فاعلاً فثلث لطعامه وثلث لشرابه وثلث لنفسه) رواه الترمذي وحسنه. 

يشرفنا تواجدكم الجميل معنا على الفيس بوك

لمتابعة المواضيع النادرة والمتميزة والغريبة على الفيس بوك اضغط هنا

اقرء المزيد

ريجيم ينقص 7 كيلو فى 10 ايام مجرب

السلام عليكم ورحمة الله وبركاته انهارده معانا ريجيم حصرى لمدونة نص الدنيا وبس ومجرب من ناس كتير وهو عبارة عن ريجيم بيتكون من 10 ايام وكل ما اتنفذت التعليمات والخطوات بدقة كل ما كانت النتيجة مضمونة واحسن ونبدأ الريجيم بسم الله :)

* يومين بيض مسلوق فقط 

* يومين لحوم او اسماك او دجاج  ( طبعا ميكونش مقلى يا مسلوق يا مشوى ومنزوعة الدهن او الجلد بالنسبة للفراخ او الحوم )

* يومين خضار وممكن يبقى الخضار سوتية او مسلوق 

* يومين فاكهه

* يومين زبادى ولبن او جبن قريش خالى من الدسم

ملحوظة مفيش عيش او اى شئ هما الاكل ده بس و كميات الاكل دى شبه مفتوحة طلاما اتاكلت بطريقة صحية والاهم فى دة كله الرياضة يوميا ساعه مشى او الجرى نصف ساعه وممارسة تمارين رياضية وبالتوفيق ان شاء الله

يشرفنا تواجدكم الجميل معنا على الفيس بوك

لمتابعة المواضيع النادرة والمتميزة والغريبة على الفيس بوك اضغط هنا

اقرء المزيد

4 انواع طعام تخلصك من الكرش

مشكلة كبيرة توجد لدى الكثيرين خصيصا فى العالم العربى وهى مشكلة البطن المترهله فالحل هنا عزيزى لا يمكنه ان يتلخص سوى فى اتباع نظام غذائى وممارسة التمارين لكن هناك بعض العوامل المؤثرة المساعده الذى يعمل على حرق كمية اكبر من الدهون فى وقت اسرع وسنعرض اكثر 4 مواد غذائية تساعدك على حرق الدهون فى تلك المنطقة 

1- منتجات الالبان قليل الدسم

اذا كنت تريد شد عضلات بطنك وتقويتها عليك بهذه المأكولات من منتجات الالبان قليلة الدسم بالضافة الى انها تعمل على تقوية عظامك لانها غنية بالكالسيوم والسبب فى انها تقوم بحرق الدهون هو ان الباحثون يعتقدون ان هذه المواد ترفع نسبة الحمض الامينى ليوسين وهذا الحمض ضرورى فى تكوين العضلات الجديدة ونشأتها بدل الدهون وبالتالى معدل اكبر فى حرق الدهون

2- البقوليات

البقوليات معروفه انها تحتوى على البروتينات ولكن النباتيه وليست الحيوانيه كما فى اللحوم وعند استبدال الانسان البروتينات الحيوانبيه بالنباتيه يؤدى الى خفض الوزن ولكن كيف هذا ؟؟ تمكن الباحثون من اكتشاف هذا السر بالصدفة والسبب هو انه عام 2011 استخدمة بعض الباحثون لمرضى السكر بداعى ان البقوليات تساعد على صحة القلب بشكل عام ومفيدة لتقليل نسبة السكر فى الدم فتم اخضاع احد المرضى لنظام غذائى من البروتينات النباتيه لمدة 6 اشهر وقد لوحث بشكل فعال جدا جدا خسارة وزنه فتوصل الباحثون الى هذا الاكتشاف.

3- الفلفل الاحمر

الفلفل الاحر غنى جدا بمواد يحتويها تسمى البيتاكاروتين والليكوبين ومن خلال الابحاث والدراسات التى قام بها المتخصصون بهذا المجال اثبتو ان الاشخاص الذين يتمتعون بهذه المواد فى اغذيتهم يتمتعون ببطن مشدودة وجميلة والسبب فى ذلك ان تلك المواد مذادات للاكسدة وتزيد من قدرة الجسم على حرق الدهون

4- الحبوب الكاملة

فى جامعة بنسلفانيا قام برنامج غذائى لتقليل الوزن وقام المتطوعون بعمل نظام غذائى يحتوى على تلك العناصر الغذائية من الحبوب وتم تقسيمهم مجموعتين اول مجموعه تتناول تلك الحبوب كاملة والاخرى تتناول الحبوب المكررة فقط مثل دقيق الخبز وبعد انقضاء مدة النظام الغذائى تبين ان المجموعه الاولى فقدت وزن اكثر خصوصا فى منطقة البطن ويعد سبب هذا حسب قول المتخصصين ان الحبوب وهى كاملة تحتوى على الماغنسيوم الذى له دوره فى حرق الدهون 

يشرفنا تواجدكم الجميل معنا على الفيس بوك

لمتابعة المواضيع النادرة والمتميزة والغريبة على الفيس بوك اضغط هنا

اقرء المزيد