نص الدنيا

الاثنين، 24 مارس 2014

صدور الفراخ بالجبنه الموزاريلا والطماطم رووووووووعه

7:50 م Unknown لا يوجد تعليقات

طريقه صدور الفراخ بالجبنه الموزاريلا والطماطم رووووووعه بجد

ولو جربتوها هتعملوها على طوووووووووووووووول

المقااااادير

اربع صدور فراخ بس من غير الجلد

ملح وفلفل اسود

معلقتين زيت زتون منفصلين عن بعض

تلات فصوص ثوم كبيره مفرومه

اربع كوبايات طماطم

عشر اوراق ريحان مفروم

اربع اكواب جبنه موزايلا متقطعه للشرايح

خل

الطريقه سهله خااااالص

هنتبل صدور الفراخ بالملح والفلفل ونسيبها ع جمب شويه

وبعدين هنسخن معلقه واحده من زيت الزتون ونحط فيه الفراخ ونسبهم حوالى 10 دقايق ونقلب الفراخ ع الجمب التانى

ونسيبها لحد ماتستوى

هنسخن معلقه الزيت التانيه ف مقلاه تانيه ونحط الثوم ونسيبه لمده دقيقه بس

ونضيف عليهم الطماطم والريحان ونسبهم خمس دقايق ونحطها ع جمب شويه

وبعدما الفراخ تستوى هنضيف عليها شرايح الجبنه الموزاريلا

ونحط خليط الطماطم بتعنا فوق الفراخ ونغطى عليهم من دقيقه ل دقيقتين

وف الاااااااااااااااخر هنحط عيها رشه خل بلسمى

جربوها وهتعجبكم ان شاء الله

اقرء المزيد

الأحد، 23 مارس 2014

شييش طاوووق ف الفرن

5:26 م Unknown لا يوجد تعليقات

طريقه الشيش طاوووق ف الفرن جميييله جداااااااا وهتعجبكم اووووى

ومقاديرها بسيطه

صدور فراخ

ربع كبايه عصير لمون

ربع كبايه زيت

نص او تلت اربع كبايه لبن

4 فصوص ثوم

معلقتين صلصه طماطم

معلقه ملح صغيره

ربع معلقه فلفل اسود

ربع معلقه قرفه

ربع معلقه بهارات مشكله

رشه حبهان مطحون

نيجى بقى للطريقه

هنخلط عصير اللمون والزيت واللبن والصلصه والثوم والملح والفلفل الاسود والحبهان والبهارات والقرفه ف طبق كبيير

هننقع قطع الفراخ ف الخليط اللى احنا عملناه ده ونغطيه ونحطه ف التلاجه لمده حوالى 4 سااعات

وبعدين هنحط القطع ف اسياخ الشوى

هندهن الصينيه بشويه زيت صغيرين ونرص الاسياخ فيها

هندخل ىالصينيه ف الفرن لمده خمس دقايق وبعدين نطلعها ونقلبها وندخلها تانى لمده خمس دقايق كمان

وبكده هتكون جاااااااااااااااااهزه للتقديم

اقرء المزيد

طريقه سلطه الكول سلو

4:44 م Unknown لا يوجد تعليقات

سلطه كول سلو زى المطاعم بالظبط هتعملوها ف البيت وهتكون احلى كمان

وهتاكلوها ف اى وقت

المقاااااادير بتاعتنا

كرنبه صغيره متقطعه شرايح

2 جزر مبشور

معلقه بصل ابيض مفروم

ربع كوبايه صغيره مايونيز

معلقتين سكر

نص او تلت اربع معلقه خل ابيض

معلقتين لبن

معلقه عصير ليمون

ربع معلقه صغيره ملح وفلفل اسود

الطريقه

هنخلط السكر مع الملح والفلفل واللبن والمايونيز وعصير الليمون ونخلطهم مع بعض كويس

ونضيف عليهم الكرنب المتقطع والبصل والجزر المبشورين

ونقلبهم مع بعض لحد مايبقو خليط واحد ونحطهم ف الطبق بتاعنا ونغطيه كويس ونحطه ف التلاجه من ساعتين لتلات ساعات

قبل التقديم

جربوها مش هتحتاجو تجيوها من المطاااعم تاااااااااااااااااااامى

اقرء المزيد

طريقه المسقعه باللحمه المفرومه

4:00 م Unknown لا يوجد تعليقات

طريقه المسقعه باللحمه المفرومه سهله وبسيطه خااااااالص

وهتعجبكم اووووووى

المقاااااااادير

كيلو بتنجان رومى

نص كيلو فلفل اخضر رومى

نص كيلو لحم مفروم

ربع كيلو طماطم

2 بصل مفروم ناعم

2 معلقه سمن او زيت

الطريقه

اول حاجه هنقشر البتنجان داوير ونحطها ف الملح والميه عشان لونها ميتغيرش ونقطع الفلفل شرايح بالطول

والطماطم مكعبات صغيره ونسبهم ع جمب شويه

بعد كده

هناخد نص كميه البصل ونحمرها ف معلقه زيت او سمنه وبعدين ناخد ربع كميه الفلفل ونقلبها مع البصل لحد مايتغيرلونها

شويه وبعد كده هنحط الطماطم ونقلبهم كلهم مع بعض ونضيف عليهم ميه وملح وفلفل

ونسيب الصلصه تتسبك و نعصق اللحمه

بعد بقى ما الصلصه تتسبك واللحمه تتعصق نبدأ ف تحضير البتنجان

هنصفى البتنجان كويس من الملح والميه

وبعد كده هنقليه ف الزيت لحد ماياخد لون دهبى ونطلعه ونصفيه من الزيت كويس

وكمان نقلى الفلفل الاخضر ونصفيه هو كمان من الزيت تماما

واخيييييييييييييييييييرا

هنحط فى القالب بتاعنا طبقه بتنجان وفوقها طبقه من الفلفل ثم طبقه من اللحم المعصج

وطبقه كمان من البتنجان والفلفل

وف الاخر هنحط الصلصه ع الوش الاخير وندخل القالب الفرن ونسيبه لحد ماياخد لون دهبى رووووووعه

جربوها هتعجبعكو جداااااااااااااا ان شاء الله

اقرء المزيد

صور لأشهى الوجبات من المطبخ اليابانى وجبة البينتو الشهية والجذابة

3:52 م Unknown لا يوجد تعليقات

زى ما عدوتنا اليابان على الابهار فى كل شئ فى التكنولوجيا وحتى الاكل هنشوف دلوقتى صور لوجبة البينتو المشهورة هناك ودى مش مقتصرة على كونها وجبة للاطفال دى لجميع الاعمار ومكوناتها بسيطة جدا جدا من بعض انواع الخضار والنشويات زى الارز ولكن بيتم تقديمهم ورصهم بطريقة مبتكرة ورهيبة تشجع اى حد انه ياكل خصوصا الاطفال اللى مبيحبوش الاكل اترككم مع الصور